Aksyon kanpay " Vaksinasyon Mond Nou an " nan nivo lokal la te kontinye semèn sa a pandan defansè yo te òganize yon manifestasyon ak yon "mouri-an-moun" nan katye jeneral konpayi ki pwodui vaksen COVID-19 Moderna nan Cambridge, Massachusetts, Ozetazini, madi. Militan yo te mande pou konpayi famasetik la sispann "pwofitasyon pandemi an" lè li bese pri egzajere li yo pou chak dòz epi pataje patant vaksen pou ogmante pwodiksyon globalman.
Te gen 4.5 milyon moun ki mouri akoz COVID-19 nan lemonn, epi anviwon 70% nan popilasyon mondyal la poko resevwa yon sèl dòz vaksen—epoutan Moderna pral rekòlte plis pase 22 milya dola nan lavant vaksen an sèlman nan ane 2021 an. Pri yon sèl dòz Moderna ka koute jiska 37 dola, alòske konpetitè AstraZeneca vann dòz li yo pou mwens pase 5 dola, an konparezon.
“Gen kèk nan nou Ozetazini k ap deside si nou vle pran pwochen dòz la osinon non – alòske pifò moun atravè lemond poko menm pran premye dòz yo a,” te di Tracy Jones , Direktè Prensipal ak Direktè Nasyonal Kanpay Mobilizasyon pou Fondasyon Swen Sante SIDA ( AHF ). “Li lè pou pataje patant yo! Se responsablite nou pou nou rann konpayi famasetik yo responsab epi ede rès mond lan soti nan pandemi sa a.”
Manifestasyon an nan katye jeneral Moderna a rive de semèn apre AHF ak patnè li yo te òganize aksyon menm jan an nan biwo Pfizer nan vil Nouyòk . De konpayi ki fabrike vaksen yo se pi gwo pwodiktè vaksen mRNA yo, konpayi yo kolekte plis pase 90% nan revni mondyal vaksen COVID-19 la epi yo te asire yon lavant vaksen konbine de 60 milya dola sèlman an 2021 ak 2022.
“Nou p ap janm soti nan pandemi mondyal la si konpayi [famasi] sa yo pa kòmanse pataje vaksen epi sipòte lòt peyi atravè mond lan pou tout moun pran vaksen,” Direktè Rejyonal Senior AHF la, Marlene Lalota , te ajoute . “Plizyè jenerasyon pral jije konpayi sa yo dapre aksyon yo. Jodi a se jou a – bese pri a, bese pwofi yo, pataje patant yo!”
Pataje sa sou rezo sosyal yo
 |
 |
