Apre siklòn Dorian, ki te kite omwen 50 moun mouri ak 1,300 moun disparèt nan Bahamas, AIDS Healthcare Foundation (AHF) te lwe de avyon pou livre founiti vital bay de zile ki te devaste.
AHF remèsye moun ki deja bay lajan oswa resous epi ankouraje lòt moun ki ka ede pou fè don atravè youn oubyen plizyè ajans ki nan lis isit la.
“AHF gen yon bon repitasyon nan reponn proactivement a moun ak kominote ki nan bezwen,” te di Chèf Biwo Sid AHF la, Michael Kahane . “Nou tris anpil poutèt dènye devastasyon ki te fèt nan Bahamas yo—e piske nou te sipòte efò sekou apre katastwòf nan tan lontan, nou konnen wout rekonstriksyon an se yon vwayaj long. Nou rete angaje pou n travay avèk lidèchip nan Bahamas yo pou bay resous esansyèl ke pèp Bahamyen an bezwen pou l refè apre katastwòf sa a.”
De avyon yo te delivre 15,000 liv pwovizyon 11 ak 12 septanm nan zile Grand Bahama ak Abaco respektivman, ki gen ladan atik pou timoun ak ti bebe, ansanm ak materyèl pou ekip rekiperasyon yo pou pwoteje kay ak lòt estrikti ki pa te detwi nèt.
AHF, ki opere pwogram nan Karayib la, te resevwa lis atik ki nesesè yo atravè kominikasyon li yo ak gouvènman Bahamas la ak Ajans Ameriken pou Devlopman Entènasyonal la. Anplwaye AHF ki soti toupatou nan Sid Eta Florid te rasanble materyèl yo mande yo epi yo te deplwaye soti Miami.
Aksyon ki sipòte Bahamas yo vini touswit apre menm efò sekou yo lè AHF te delivre dèlko bay Pòtoriko apre Siklòn Maria ak plizyè milye atik li te bezwen an Ayiti apre Siklòn Matthew.
