
Pwojè lwa AHCA (American Health Care Act) Sena Ameriken an sèten pral fè ravaj nan batay Etazini kont VIH/SIDA. Bill yo devwale yon jou apre dènye kat chalè AIDSVu sou ensidans VIH konte pa konte nan tout peyi a montre epidemi an ap grandi, sitou nan Sid la.
WASHINGTON (25 jen 2017) An repons a piblikasyon vèsyon Lwa Ameriken sou Swen Sante (AHCA) Sena ameriken an pi bonè jodi a, AIDS Healthcare Foundation (AHF), pi gwo òganizasyon mondyal ki konbat SIDA, te pibliye deklarasyon sa a:
“Dapre sa nou ka wè jodi a, chanjman nan Medicaid ki prezante nan vèsyon Sena a sou Lwa Ameriken sou Swen Sante a pral sèvi kòm gaz sou dife epidemi SIDA a Ozetazini,” dapre Michael Weinstein, prezidan AIDS Healthcare Foundation. “Medicaid se prensipal pwogram sekirite sosyal pou moun ki gen ti mwayen, avèk oswa san VIH, epi koupe pwogram sa a pral gen enpak devastatè sou moun, kominote yo ak tout sistèm swen sante a. Se pa t gen anpil ane de sa nou te gen long lis datant pou ADAP, ki pral san dout retounen si yo koupe Medicaid anpil. AHF ankouraje Sena Ameriken an pou l rekòmanse depi nan kòmansman epi travay sou yon mezi ki bay pwoteksyon swen sante pou tout Ameriken. Bouyon aktyèl sa a ta kreye yon dezas sante piblik, espesyalman pou moun k ap viv ak VIH ak moun ki gen plis risk pou yo trape VIH.”
Yo te devwale pwojè lwa Sena a yon jou apre yo te pibliye dènye kat jeyografik AIDSVu a ki montre ensidans VIH nan chak konte nan tout peyi a . AIDSVu se yon pwojè Rollins School of Public Health nan Emory University ap dirije an patenarya ak konpayi byoteknoloji Gilead Sciences, ki ap trase katografi VIH pa konte depi 2010. Dènye kat jeyografik AIDSVu a dokimante devastasyon epidemi an nan Sid la ansanm ak anpil eta ki te chwazi pou yo pa patisipe nan ekspansyon Medicaid la.











