NOUYÒK (25 me 2017) — AIDS Healthcare Foundation (AHF), pi gwo founisè swen sante VIH/SIDA san bi likratif Ozetazini, ki aktyèlman bay swen ak/oswa sèvis a plis pase 729,000 moun nan 39 peyi atravè lemond, kontinye ap grandi nan Nouyòk. Kounye a, k ap sèvi plis pase 13,000 kliyan VIH+/- nan Nouyòk atravè senk Sant Swen Sante li yo – dirije pa Direktè Medikal Rejyon Nò a, Dr. Ricky Hsu – twa Famasi AHF, yon Magazen Dezyèm Men Out of the Closet, ak afilye ACQC li a , AHF te selebre gran ouvèti nouvo Famasi AHF li a nan zòn metwopolitèn Vil Nouyòk la, ki sitiye nan 365A W 28 th Street nan katye Chelsea nan Manhattan, lendi avèk yon seremoni koupe riban ak yon resepsyon nan famasi a. Toupre Sant Swen Sante Chelsea AIDS Healthcare Foundation, dirije pa Dr. Robert Chavez , famasi a pral ofri sèvis famasi Lendi – Vandredi soti 8:30 am – 5:30 pm.
Famasi AHF se yon etablisman ki ofri tout sèvis, ki gen famasyen espesyalize nan medikaman pou VIH/SIDA (epi tou sèvis famasi jeneral) ki bay kliyan yo aksè a lòt espesyalis, medikaman ak sèvis yo bezwen pou yo rete an sante otank posib. Revni ki pwodui nan Famasi AHF ede kontribye nan swen pasyan AHF yo atravè lemond epi 96 santim sou chak dola yo touche nan famasi a sipòte sèvis VIH/SIDA mondyal ak nasyonal AHF yo, tankou tretman, tès depistaj ak defans dwa moun.
“Famasi AHF kontan pou l elaji sèvis famasi nou yo nan Vil Nouyòk atravè nouvo lokal nou an nan Chelsea,” te di Scott Carruthers, Direktè Famasi AHF la . “Lè nou fè sèvis famasi yo disponib toupre Sant Swen Sante AHF nou an, nou fè efò pou nou fè aksè a medikaman ki sove lavi pasyan nou yo bezwen yo pi fasil posib pou ankouraje yo respekte rejim tretman yo epi diminye to nouvo enfeksyon VIH yo nan Nouyòk.”
“Chak jou n ap travay pou nou vin yon patnè medikal ak yon founisè famasi ou ka fè konfyans nan kominote n ap sèvi yo,” se sa Ricky Hsu, Direktè Medikal Rejyon Nò AHF la, te di. “Sit swen sante ak famasi AHF la nan kè Chelsea a byen plase pou l se yon kote pratik pou pasyan nou yo wè yon doktè, pran medikaman, epi rete an sante nan vil la ki gen anpil aktivite.”
Kounye a, gen twa famasi AHF nan vil Nouyòk, 43 Ozetazini epi yo ofri livrezon medikaman nan tout peyi a.
KLIKE SOU IMAJ ANBA A POU PLIS FOTO NAN GWO OUVERTI A:
