DAR ES SALAAM, TANZANI (1ye Jiyè 2013)⎯Prezidan Ameriken Barack Obama fini vizit ofisyèl li ann Afrik—avèk yon arè nan Tanzani apati lendi. Defansè, pasyan ak doktè ki soti nan Fondasyon Swen Sante SIDA (AHF) ak defansè ki soti nan Konsèy Afriken Òganizasyon Sèvis SIDA (AfriCASO) ap kontinye ankouraje Mesye Obama pou l onore angajman Etazini anvè Plan Ijans Prezidan an pou Sekou SIDA (PEPFAR) , pwogram istorik Etazini an ki te sove lavi plizyè milyon moun atravè lemond. Obama te koupe plis pase 200 milyon dola nan pwogram SIDA mondyal yo, tankou PEPFAR—premye prezidan ameriken ki janm koupe finansman SIDA.
Pandan tout vwayaj li nan twa peyi Afrik yo, defansè yo te òganize konferans pou laprès epi yo te plase anons nan jounal pou ankouraje 'Prezidan Obama: Pa gen retrèt sou SIDA.' An konjonksyon avèk rive Prezidan Obama nan chak peyi, te gen anons nan jounal ki te pase nan Senegal (L'Observateur – 26 jen ak Le Soleil – 27 jen); Afrik di Sid (Cape Argus – 30 jen) ak nan Tanzani (East-African – 30 jen ak Daily News – 1ye jiyè). Chak anons "Pa gen retrèt" te itilize koulè drapo chak peyi respektif kòm yon seri imaj silwèt ikonik Obama k ap mache ale.
Nan Washington, DC, AHF te plase anons 'Pa gen retrè sou SIDA' tou nan dis panno anons abri otobis nan kote ki antoure Mezon Blanch lan.
Mesaj videyo Desmond Tutu "Kenbe pwomès sou SIDA" bay Obama
Nan konferans pou laprès nan Senegal ak nan Pretoria ak Cape Town nan Lafrik di sid, pasyan yo ak defansè SIDA yo te jwe tou yon mesaj videyo Achevèk Desmond Tutu, anrejistre ete pase a pou 'Kenbe Pwomès la sou SIDA' Rasanbleman & Mas ki te fèt jou ouvèti Konferans Entènasyonal SIDA 2012 la nan Washington, DC. Nan mesaj videyo li a, Achevèk Tutu pale sou efò imanitè Etazini pou sove lavi atravè PEPFAR. Apre sa, li tou dousman reprimande Prezidan Obama pou 'Kenbe pwomès la sou SIDA.'
